Б200 Навагоднія Ялінкі

Чаму менавіта гэта дата --- у гэты дзень дарожны рух амаль што адсутнічае: самыя пустыя дарогі.

Але, улічваючы, што

1. ўзімку надвор’е можа не дазволіць правесьці брэвет у вызначыны час згодна правіл дарожнага руху.

2. камусьці дабірацца ў такую дату не вельмі зручна. На фота вышэй чыгуначны расклад па станцыі Пагодзіна ў Горках.
   Час старту заданы так каб даехаць першым дызелем з Оршы да чыгуначнай станцыі Пагодзіна ў 8-51 і потым на ровары да кропкі старту да 9-30.

аб’яўлены шырокі інтэрвал дат пазапланавага праходжаньня гэтага брэвету ад сёньня аж да наступнага брэвету 24.02.2024.

З абсталяваньня магу парэкамендаваць на мокрае зімовае надвор’е зрабіць пярэдняе крыло значна больш выступаючым уперад, чым звычайна. Калі хутка ехаць па макрэчы, даволі шмат с колаў ляціць і наперад -- вадзяны пыл ахоплівае ўсяго раварыста. Колы, зразумела, глыбока ў крылах і нізкі брызгавік...

Улетку больш ліе зверху а дарогі сохнуць хутка і крылы не вельмі патрэбны. Узімку зверху ліе мала але дарогі сохнуць вельмі доўга. Таму на зімовую салёную макрэчу добрыя крылы як на фота.

Да цемры не даедзем -- таму ліхтарыкі-агеньчыкі. Больш моцныя і цяжкія на ровар (2 чырвоных назад -- адзін можа раптоўна і незаўважна ад траскі на марозе адключыцца). Лягчэйшыя на стужках як рэзерв.

Ініцыятар Седнеў Канстанцін
Тэлефон +37529 849 94 76
Viber +37529 254 08 32
e-mail kostya1chemist@gmail.com

Але рэкамендую спілкавацца адкрыта праз каментарыі гэтай падзеі.