Вторая жизнь ровесника перестройки
Ну точно знаю, сам же делал фото этого вела и владельца |-)) |-)) |-)) |-)) |-))
Гэтай зімой шукаў сабе ровар замест прададзенага горніка. Спачатку была ідэя паспрабаваць cyklocross ці сабраць нешта дызайнерска-мінімалістычнае на аснове якой-небудзь цікавай карбонавай шосернай рамы, але…
Пабачыўшы гэты блог і аб’яву аб продажы, зразумеў – вось яно! Сапраўдны вінтажны ровар, якому ўжо пад 30 гадоў, даведзены да розуму, прычым з любоўю і вельмі далікатна. Дзякуй Яўген, за ўкладзеную працу і душу ў гэтую ластаўку!
Як толькі сыйшоў снег, адразу паспрабаваў пракаціцца…
Родны падсядзел аказаўся кароткі (як і чакаў). Прыйшлося сур’ёзна парыцца ў інтэрнэце каб знайсці падыходзячы падсядзел дыяметам 25мм “недадзюйм”, ды за зразумелыя грошы. Знайшоўся ён ажно ў Англіі, фірма Oxford, сплаў алюмінія, даўжыня 400мм. Замовіў. Мне хапіла :)
Наступная дэталь, якая папрасілася сябе замяніць, аказалася сядлом. Вось не думаў. Арыгінальнае, скураное, адрэстаўраванае… Трэснула каля пярэдняга нацягвальніка :( Пачаў шукаць замену. Першае, пра што падумаў – Brooks B17 narrow, альбо Brooks Team Professional. Алеж дарагія, чэрці :( Ды яшчэ, як заўсёды, калі капаеш якую тэму, то знаходзіцца шмат цікавостак, пра якія раней ня ведаў. Дык вось, аказваецца, класічныя сёдлы могуць спрыяць няправільнаму функыянаванню мужчынскіх дэталяў арганізму :-/ Але, дызайн і тэхналогіі сягнулі наперад і з’явіліся новыя віды сёдлаў, напрыклад Selle SMP ці ISM Adamo. Пашанцавала патэсціць і адно і другое, высновы такія – Selle SMP зроблена пасур’ёзней, але дупа прагаласавала за ISM Adamo Prologue :) Яго і паставіў.
Пляшку з вадой таксама неяк прымацаваць трэба. Свідраваць раму шкада. Як часовы варыянт замуціў трымальнік з хамутамі ад ліхтарыкаў. Працуе, але ўжо знайшоў родны, металічны, трэба толькі давесці да ладу знешні выгляд.
Карацей, ластаўка зараз выглядае вось так.
